داغ اولاخ ، اوجا اولاخ ... آشمياخ!
 دريا اولاخ ، موج اولاخ ... داشمياخ!
 ايلان اولاخ ،‌ افّي اولاخ ... ساشمياخ!
 مرد اولاخ ،‌سوز دانيشاخ ... قاشمياخ

منیم تک سنده رویا اهلی سن

اولموشام بیزار عشقیندن کی سودا اهلی سن

بیلمه سن بیر تشنه حالین سانکی دریا اهلی سن

من کی صحرادن گلیردیم قطرییه محتاجیدیم

سنده کی آتدین دئدین گئت سنده صحرا اهلی سن

دوز دئدین دریا قووشماز هئچ زمان صحرائیلن

آنلادیم آخر کلاموندان کی معنا اهلی سن

گؤرمه دیم رویاده حتی چهره ی آرامووی

اونداکی بیلدیم منیم تک سنده رویا اهلی سن

عشق بازاریندا پایلیردیم محبت گوللرین

سن باخارکن من خیال ائتدیم تمنا اهلی سن

باخدین اما آلمادین حتی اونون بیر شاخه سین

سن اوزاخلاشدیقجا من بیلدیم تماشا اهلی سن

دامجی دامجی گؤز یاشیم آخدیقجا گؤزلردن شفیق

یازدی اؤز شعرینده الحق سنده دونیا اهلی سن

 

 سنده آخیر عشق بازاریندا اویناتدین منی

سنده آخیر عشق بازاریندا اویناتدین منی

بی وفالر مکتبیندن درس آلیب آتدین منی

سنده آخیر وئرمه دون عشقه بها ای بی وفا

سنده آخیر چوخ اوجوز بیر قیمته ساتدین منی

سن کی عشقیلن محبتدن دئیه ردون هر زمان

پس نئجه انصاف ائدیب بیر بئیله آغلاتدین منی

سن دئمیشدون ائیله رم اثبات من عشقین گوجون

اما آخیر بیر سحر یالقیز لارا قاتدین منی

سن کناریمدا اولارکن سانکی بیر دریائیدیم

سن گئدیب بیر لحظه ده صحرایه اوخشاتدین منی

سن گئده ندن بیلمیرم صبحیله شامین فرقینی

تار ائدیب صبحی گوزومده شامه آلّاتدین منی

سن دییه ردون تا نفس وار پوزمارام پیمانیمی

سیندیریب پیمانیوی بیر عؤمر آغلاتدین منی

سن گئده رکن یازدی بیر شعریله اؤز دردین شفیق

گئتدین اما داغ هجرانیندا قایناتدین منی

 

 ديمگ اولمور اورگين درديني حتي آنيا

گئنه اود دوتدي اورك ياندي محبت اودونا
 آيريلق صحبتي خوش گونلري سالدی ياديما
 سنده سالدون مني گوزدن ايله بيگانه كيمي
 يوخدي بير كس نظر ايتسون بو پريشان حاليما
 قالا بير خوش كونه حسرت سني مندن ايران
 گوندوزي شام اولا منتك گوزي ياشلي دولانا
 گل گيلن منتظرم وار گوزوم اوستونده يرين
 گل گوزوم ياشيني سيل چك اليوي بير باشيما
 وار اوميديم هله بيريولدا بيزه باش چكه سن
 ياتمارام صبحه كيمي گوز تيكرم من قاپويا
 گاه اولوب شاد گهي غصه لنوب اغلييارام
 ديمگ اولمور اورگين درديني حتي آنيا
 عشق درسين منه اورگتدي اوشاخليقدا انام
 باغبان عشقيله گول بسلدي ويردي خزانا
 من گرگ بو گئجه بير ياديویله خلوت ايده م
 يالوارام صبحه قدر بلكه ياتان بخت اويانا
 قورخورام عمر چراغي سونه سن گلمييسن
 گوزلويم يول گيجه گوندوز جوان عومروم قوتارا

 هجران گیجه سی

منی سئخدی زمانه اورگیم قان اولدی
 سرداشیم اولمادی عالم منه زندان اولدی
 اوتورا بولمدیم ایوده قاپویا بویلاندیم
 بلکه جان صاحبی بیر لحظه نمایان اولدی
 سایدیم اولدوزلاری بیر بیر او قرانلوق گیجه ده
 اغلادیم صبحه قدر گوزده کی یاش قان اولدی
 هی گوزوم یاشینی توکدوم یوزه هجران گیجه سی
 قالدی یوللاردا گوزوم صبر ایوی ویران اولدی
 بیر کسیم اولمادی سرداشیم اولا غملی گونوم
 قورتارام جانیمی غمدن مگر امکان اولدی
 ایریلیقدان باشما گلدی نه لر بولمدون هیچ
 سئل کیمی غم توکولوب باشیمه عمان اولدی
 تانری چاره م ندی عشقون قوشی باغیمدن اوچوب
 بولورم گئتدی هارا کیملره مهمان اولدی
 بولمورم یول اوزاق اولدی کی گلوب چئخمادی یار
 یا وفاسیزلیق ایدوب اوزگیه جانان اولدی
 یا کی مندن اورگی سیندی داها گلمیجک
 یا کی اوز باغلادیقی عهدینه پشمان اولدی
 یارین عشقیله گئچدیم گئجه می گوندوزومی
 وصلینی ارزیلادیم قسمتیم هجران اولدی
 ایری بیر سوز دیمرم ساغلیقینی ارزیلارام
 بلکه گلدی یئنه اولده کی دوران اولدی