نامردلر سوزی
نامردلر سوزی
ميلت نئجه تاراج اولور اولسون نه ايشيم وار؟
دشمنلره محتاج اولور اولسون نه ايشيم وار؟
قوي من توخ اولوم اؤزگه لر ايله ندي كاريم،
دونيا وجهان آج اولور اولسون نه ايشيم وار؟
سس سالما،ياتانلار آييلار، قوي حله ياتسين،
ياتميشلاري راضي دئيلم كيمسه اوياتسين،
تك تك آييلان وارسادا، حق داديما چاتسين،
من ساليم اولوم جمله جهان باتسادا باتسين،
سالما ياديما صحبتي تاريخي جهاني،
ايامي سلفدن دئمه سؤز بيرده فيلاني،
حال ايسه گتير دلماني، ناني،
موستقبلي گؤرمك نه گرك،عؤمردو فاني،
اؤولادي وطن قوي هله آواره دولانسين،
چيركاب سفالتده، الي باشي بولانسين،
دول آروات ايسه سائيله اولسون اودا يانسين،
آنجاق منيم آوازه شانيم اوجالانسين،
هر ميلت ائدير صفحه دنياده ترقي،
ائيلر هره بير منزل مأواده ترقي،
يرقان دوشگيمده دوشسده گر ياده ترقي،
بيز ده ائديريك عالم رؤياده ترقي،
ميلت نئجه تاراج اولور اولسون نه ايشيم وار؟
دشمنلره محتاج اولور اولسون نه ايشيم وار؟
صابیردن