ترکی شعریلر
دئمه ای گول اولورم گئتمه گؤزومدن اویانا
گرک عاشیق دؤزوب ، هر جورینه یارین دایانا
عالم عشقینده قانون محبت بئله دیر
بولبول حسرت گوله ، پروانه گرک اوددا یانا
منده هیجران غمینی ، قسمت اولا چکدیره رم
سنین او گول یوزینه ، کونلومی حسرت قویاینا
عاقبت آتش آهیمله ، رقیب اود ، توتاجاق
اؤز جزاسین چکه جک ، قاچسا الیمدن هایانا
بیر مبارز ایگیدم ، قویمادیم اغیاری گولوم
جنت کویونا یول تاپسین او گوندن بویانا
یا اوچون عاشیق اودور شوقیله جاندان گئچسین
کیم وفا بسلییه جک ، دوستونا جان قویمایانا ؟
سنده (( واحید )) وطن اوغروندا چالیش مرد کیمی
اینجه قلبینده بؤیوک ، حس محبت اویونا
ايچيديم بير شراب ناب عشقي گوزون تک کاسه ي پيمانه لرده
منه زيبا پرستليک عادت اولدو گوزوم قالدي رخ جانانه لرده
هوشوم باشدان چيخير قالمي قراريم قرا زلفون گورنده شانه لرده
اگر مجنون عشق اولسان منيم تک بيلردين وار نه حال ديوانه لرده
من اوندا مست عشقم گل دانيشدير سراغيم دوتگيلان ميخانه لرده
عزيز ليکده مني کاش بير گوريدين الان بير بايقوشام ويرانه لرده
خرابه گوشه سينده وار بير عالم که يوخ مجلس شاهانه لرده
منيم سن منبع الهاميم اولسان آديم دائيم قالار افسانه لرده
اوخوردي جعفري شعر آغلاشيردي نه بير ايشگين لري بيگانه لرده
نگارا سن سن اولیسیدون منه غم همدم اولما زدی
کتاب عشقه با خسیرون منه لطفون کم اولما زدی
اطبالر مریض اوسته گرکده مهربان اولسون
مریض عشقوام جانا ولی چخ پیسدی رفتارون
گلرسن بیرگون ایسترسن خبر منرن
دیللر دای قئیت چخ گت یوباندون اولدی بیمارون
لشگر غم اوز قويوبدي بو دلي ديوانيه
اولموشام منده پناهنده در ميخانيه
گلميشم ميخانيه من درديمه درمان آلام
دردرمي بير بير دييم من ساقي يه پيمانيه
درديمه درمان شراب اولدي۰طبيبيم ساقي لر
گوندئريب عشقون مني گور هانسي داروخانيه
درديمي بي دوكتوره ائتديم بيان قان آغلادي
بير منه بير نسخه مه باخدي مطبين باغلادي
دئدي سن بيماره عشقسن يالوار نگاره
قبريدن باش قوزادي بيچاره لقمان آغلادي
دئدي آغلار گونومون گونله رينين بختي ياتان گونلريدي
آيمين اولدوزومون گويده باتان گونلريدي
هركسه دوست دئديم دشمن جان اولدي منه
دشمن اوز بختيميميش ايندي ايان اولدي منه
جاندان دوشردی کونلوم، جـانانه اولماسایدی
چاتمازدی شمعه شهرت، پروانه اولماسایدی
تـئللر اسـیب سـالاردی عـاقیللری آیــاخـدان
زنــجیر زولفــه بـاغلی دیــوانه اولمــاســایدی
میخانه لرده باده مـوشکول دوشــه ردی یـاده
آهـو باخیشلی گــوزلر خـمخانه اولمـاسـایدی
بــــاد صـــبا پــوزانــدا گیــــسولرین نــــظامین
اولمـازدی یـاره کـونلوم گرشـانه اولماسـایدی
مــنع شــراب ائـــدردیم زاهــد مـــثالی مــنده
پــیمانی سـیندیراردیـــم پـیمانه اولمـاسایدی
مــین درد عشــقه چــاره ائــیلردی بـیر اشاره
جـان دردیــنه گــوزه للر بــیگانه اولمــاسـایدی
گـول تک گـولردی اوزلـر قان آغـلامازدی گـوزلر
گـــوندن دورو حــقیقت افسـانه اولمــاسایدی
روحوم قوشون ائدردیم جان دوستاغیندان آزاد
حاجت بو جسـم آدیـندا زنــدانه اولمــاسایدی
گنج محبت "عاصم" سالمــازدی یئر اوره کـده
جانان یـولـوندا کــونلون ویـــرانه اولمــاسایدی
هئچ بولورسن او سؤزون قلبيمه دئيدي گؤزه ليم
سن دئدين اما منيم قدديمي ايدي گؤزه ليم
گلمه ديم هئج اوزووه اما بتر اينجيميشم
كاش بولرسن او سؤزه چوخلي قدر غم يئميشم
او سؤزون ووردي يارا قلبيمين هر بير يئرينه
سن دئدين اما اينان پارچا تيكه اولدي سينه
ساخلاديم گؤز ياشيمي قويماديم او آخا گله
من اشيدديم سؤزووي باغريمي او دله دله
نئجه قيدين او سؤزي سؤيلويسن حيرانيوا
سن دئدين اما اينان دونيا دولاندي باشيما
بو یالان دونیا اولوبدور منه زندان گوزه لیم
دینمه باغریم دولی قاندیر حالیما یان گوزه لیم
ایله ره م یوز جانیم اولسا سنه قوربان گوزه لیم
گوزلریم گورموری سندن سورا بیر آیریسینی
بو یالان دونیا اولوبدور منه زندان گوزه لیم
باخیرام یئل گوتوره قاپ قارا زولفون هاوایا
بلکه ظلمت گئجه ده ن آی چیخا بیر آن گوزه لیم
آیریلیقدان نه یانیر اوددی دئیه رسن اوره گیم
گوزله که عشق اودوما سنده یانارسان گوزه لیم
قورخورام ساز تئلی تک قانلی اوره ک لر تیتیره
یئنه حسرت هاواسیندان چالا گارمان گوزه لیم
دوزوره م قار اریه یاز گله گوللر آچیلا
گه له سن گول ده ره سن بیرده بو داغدان گوزه لیم
يار قاصدي
ســـن ياريمين قاصدي سـن
ايلش ســنه چــــاي دئميشم
خـــياليني گــــوندريب ديــــر
بسكي من آخ ، واي دئميشم
آخ گئجه لَـــر ياتمـــــاميشام
مــن سنه لاي ، لاي دئميشم
ســـن ياتالــي ، مـن گوزومه
اولـــدوزلاري ســـاي دئميشم
هــر كـــس سنه اولدوز دييه
اوزوم ســــــــــنه آي دئميشم
سننن ســـورا ، حــــياته من
شـيرين دئسه ، زاي دئميشم
هــر گوزلدن بيــر گـــول آليب
ســن گـــوزه له پاي دئميشم
سنين گـــون تــك باتماغيوي
آي بـــاتـــانـــا تــــاي دئميشم
اينــدي يــايــا قــــيش دئييرم
ســـابق قيشا ، ياي دئميشم
گــاه تــوييوي ياده ســــاليب
من ده لي ، ناي ناي دئميشم
ســونــــرا گئنه ياســه باتيب
آغــــلاري هاي هاي دئميشم
عمـــره ســورن من قره گون
آخ دئــمــيشم ، واي دئميشم